Няверы (Сваткаўскі сельсавет)

Няверы - вёска ў Сваткаўскім сельсавеце. У 1848 вёска аднайменнага фальварка маёнтка Стары Мядзел Вілейскага павета Віленскай губерні, валоданне М.Ф. Дваржэцкага, 8 двароў, 63 жыхара. У склад фальварка Няверы ўваходзіла 1 вёска, у 1868 вёска Мядзельскай воласці Вілейскага павета Віленскай губерні, 8 двароў, 67 жыхароў. У 1904 г. на месцы сучаснай вёскі - вёска, 129 двароў, фальварак, валоданне Паклеўскай-Казелы, 9 жыхароў, і засценак, 12 жыхароў, валоданне той жа гаспадыні. У 1908 г. 21 двор, 128 жыхароў. У 1921 г. вёска Мядзельскай гміны Дунілавіцкага (з 1925 г. Пастаўскі) павета Віленскага ваяводства, 33 двары, 151 жыхар. З 12.10.1940 г. у Лук'янаўскім сельсавеце Мядзельскага раёна Вілейскай, з 20.09.1944 г. Маладзечанскай абласцей, з 21.05.1951 г. у Сваткаўскім сельсавеце, з 20.01.1960 г. у Мінскай вобласці. У 1940 г. 29 двароў, 113 жыхароў. У Вялікую Айчынную вайну ў 1943 г. гітлераўцы спалілі 26 двароў, забілі 20 жыхароў вёскі. Пасля вайны вёска адбудавана.

У 1949 г. у вёсцы створаны калгас "Чырвоны світанак". Пазней вёска ў складзе калгаса «Зара", з 1988 г. у калгасе імя Леніна (цэнтр - вёска Сваткі), з 1994 г. у аграфірме «Зара», з сакавіка 1997 г. ў сельскагаспадарчым прадпрыемстве імя М. Танка (цэнтр - вёска Сваткі). У 1960 г. 159 жыхароў. На 01.01.1997 г. 35 двароў, 54 жыхары. Ёсць жывёлагадоўчая ферма.

Паглядзець вёску Няверы (Сваткаўскі сельсавет) на карце Мядзельскага раёна.